No devalar das Costas o Parque continúa
Carmen Blanco

Lugo ten o seu oasis. A entrañable marabilla do pequeño parque de Rosalía de Castro. Nel todo acolle: as árbores, as flores, as fontes, o estanque, o mapa, a ponte, os paseos, as randeeiras e os animais. Mais é o mirador e a varanda que asoma ás costas a súa máis grande marabilla. No devalar das costas o parque continúa. E no devalar dos ollos desde o mirador a paixase baixa docemente ata os meandros do río, a ponte romana e o barrio antigo e foxe pola vella estrada a Compostela para perderse na infinita apertura de todos os horizontes.

< voltar